Rino Hermans di Departamento di Calamidad Aruba a comenta cu nos a cera un 2021 sin menasa di Horcan y nos ta na caminda pa horcan 2022.
Sr Hermans a bisa cu dos aña consecutivo Caribe hopi suerte cu mayoria horcan a keda pafo di e region caribense pero esei no significa cu pa e aña aki nos ta toca nos mes suerte. Nos mester ta prepara semper y Aruba no tin cu haya e wowo di horcan ariba e isla pa e paralisa e isla, un simplemente bon awacero ta paralisa e isla pa un par di dia.
Sr Hermans a duna di conoce nos ta saliendo for di un situacion di pandemia unda economia ta hopi swak y nos tin cu recupera nos economia y Aruba tin cu prepara pa si dal un bon awacero pa asina nos no sigui sangra nos economia. E aña aki lo bay wak hopi mas actividad, tin un tendencia unda cu Rampen Bureau ta bisa cu nos tin cu prepara y nos hendenan ta kere cu nada ta pasa na Aruba y esei no ta berdad.
Nos tin cambio climatico y bo ta wak un tempo normal tabatin 12 pa 14 nomber di horcan y awendia nos ta papiando 22 pa 26 nomber di horcan y esaki ta duna cu naturalesa ta birando mas agresivo. Unda volcannan ta aparece cu tabatin siglo sin aparece.
Sr Hermans a splica te hasta temblornan di plateau of foldnan mundial cu no tabata activo y diripiente a activa, y anos conoce Rampen Bureau tin e tarea conhunto cu prensa, dicon pasobra Rampen Bureau por traha e miho plannan pa informa Gobierno pero si prensa no ta yuda nos motiva e pueblo pa cu prepara nos ta keda mes un vulnerabel pa cualkier incidente riba e isla. No ta determina cuanto sistema tropical atlantico lo haya ainda fin di februari pa comienso di maart ta cuminsa haya e prome indicacion y asina ta duna Rampen Bureau e idea kico tin cu haci na Aruba. Anos tin un standard cu nos ta prepara si bin 1 of mas horcan no ta un diferencia, pero e Arubiano si mester conscientisa su mes cu e tambe tin cu prepara y no ta tur tarea ta di gobierno.
