Departamento di Calamidad pa vigilando e temblor na Puerto Rico y tin su plannan cla pa den caso di tsunami

Sr Rino Hermans cu ta cabesa departamento di calamidad di Aruba a splica di e temblor fuerte di ultimo dianan na Puerto Rico y novedad esaki por tin pa Caribe. Sr Hermands a bisa cu e sitiacion di e temblornan cu ta pasando na Puerto Rico desde 7 November 2019 Departamento di Calamidad tabata vigila tanto e frequencia y e magnitud pero esaki tabata subi. E ultimo dianan aki por a tuma nota cu esaki a pasa 6 y internamente tin un procedura cu manera e pasa magnitud 6, pa tres punto di atencion cu nos ta monitoria ta Puerto Rico, Monserat y Greneda y a manda pidi e departamentonan diaranson pa revisa e plan y nan entrega nan capacidad y necesidad den caso cu bin un Caribbean Tsunami.

Esaki lo keda considera como un tsunami local pasobra internacionalmente ta papia di Caribe cu cualkier cu temblor cu causa un tsunami mester considere como un tsunami local, y esaki ta duna nos poco tempo pa alerta tur hende y tin un parti di preocupacion si, asina Sr Hermans a menciona. E ta sigui bisa manera cu e temblor tuma luga e señal tin cu bay pa Hawai y nan tin cu analise y si e ta crea un tsunami tin boei di tsunami y pa nan haya e notificacionnan aki pa despues nan traha e boletin skirbi esaki y mande pa Aruba cu ta meteo pa despues Meteo manda departamento di calamidad y esaki lo dura un 28 minuut. Si wak temblor / tsunami di Ponce Puerto Rico pa Aruba ta 40 minuut prome cu e ola yega y eynan bo tin 12 minuut pa alerta full un pueblo.

Mirando e area di un tsunami mester bin debi cu ta Nort di nos isla, ta e costa nort ta haya esaki y bo ta haya e olanan cu por bira pa bin dal nos bek zuid pero ya e ora ey hopi energia a bay for di esaki, pero no ta nada di drenta panico pero nos ta vigila esaki y keda alerta.

Comments

comments