Departamento di Calamidad y full e structura di Rampenbestrijding, dus brandweer, ambulance, polis, Departamento di Asuntonan Social, por wak bek ariba un aña 2018 cu a echt dedica y inverti den capacity building. Sr. Rino Hermans, director di Departamento di Calamidad ta amplia.
Nan tabata tin 5 training, den cual nan lo bay ta sacando tur e situacionnan cu mester wordo perefecciona como pais Aruba. Cada departamento ta responsabel pa nan dienst, pero Departamento di Calamidad ta responsabel pa e coordinacion di tur e dienstennan hunto, e dilema pa resolvenan. Y cu cooperacion di Ministernan di Brandweer, ta invertiendo den logistica, unda cu tin un truck dedica pa logistica, cu ta bay na e sitio di e incidente.
Por wak ariba trainingnan, cu a duna atencion y na december a confronta cu e bombnan. E ultimo training tabata tocante terorismo. Y pa nan mala suerte, a resulta cu tabata tin 2 bommelding na airport.
Aña 2019, lo no bay tin 4 training grandi e aña aki, pero solamente 3. Airport a wordo certifica aña pasa caba. Pero e aña aki lo concentra ariba e parti maritimo, e parti grandi, pa wak con e dienstennan ta funciona y coordina cu otro. Y cu tur e otro stakeholdernan comercial, cu hunto ta forma e comunidad pa Aruba.
Pa e aña aki, e prome training lo ta dia 14 di maart. Y na juni lo tene un training tocante horcan, con Aruba ta prepara pa horcan, su dienstennan. Y den october atrobe, lo tin un training di parti maritimo. Te ainda e tema no ta sigur di dje. Y ariba dje ta bin tur e cursonan cu Departamento di Calamidad ta duna y certifica e personal cu ta forma parti di e structura. Ariba agenda tin pa trece hendenan di afo pa digitalisa pa e parti di calamidad. Y lo bay dedica un poco mas na e parti di comunicacion.
Cada biaha cu tin un training, Departamento di Calamidad ta saca tur e partinan cu mester duna extra atencion. Ta traha ariba esaki, traha ariba un proposicion pa wak si e dienstennan ta bay di acuerdo y cu esaki ta bay ministerraad pa wak si ta haya e fondonan financiero. Esaki tin como meta pa e pueblo por sinti su mes sigur y cu su hendenan cu ta duna servicio of prome auxilio, tambe ta capacita pa ora cu nan mester di nan, Departamento di Calamidad ta ariba e nivel di asistencia rekeri. Te asina leu, Sr. Rino Hermans, director di Departamento di Calamidad.