Departamemto di calamidad pa aña 2017 lo tin mas training pa personal cu ta traha den emergencia ya cu esaki ta un necesidad grandi segun Rino Hermans, director di Departamento di Calamidad.
Departamento di Calamidad ta responsabel pa tur e entrenamentonan multidisciplinario. Tin un plan interno cu cada un dienst lo bay tackle. Pa otro aña lo bay purba organisa atrobe cruiseship hunto cu APA. Om en om ta bay, pero e deseo di e servicionan ta si pa bin cu mas entrenamento frecuentemente. Ta bay pone scenarionan cu por sinta cu otro. Pa organisa un entrenamento no solamente ta hopi ora, pero si e ta costa hopi placa. Cierto momento mester midi tambe e presupuesto di cada dienst si nan por carga un entrenamento. Entrenamento ta bon, pero e ta costa hopi placa. E parti di ora cu ta inverti den dje, ta parti di nan trabao, pero otro departamentonan tambe tin cu inverti pa laga hendenan specifico pa entrena. 2017 ta bay wak hopi mas entrenamento organisa y riba diferente tema. Cada dos aña ta culmina aeropuerto pa e keda certifica. E aña aki tabata tin algun entrenamento chikito, pa culmina cu un grandi. Imagina cu un situacion cu un crucero cu 4000 hende abordo, mas crew, tin cu maneha mas cu 6000 hende cu tin cu handle cu nan. Akinan tin cu traha un plan con pa tackle y test esaki, segun Hermans.