Sr. Rino Hermans di Departamento di Calamidad ta splica kico ta e meta di haci demostracion na scol specialmente den nos muchanan.
E muchanan dentro di 4 minuut, na un manera structura a sali for di tereno di scol. Semper tin caminda pa drecha, pero esaki ta un di e scolnan cu a cuminsa den e proceso pa yega na nan certificacion.
No ta solamente Departamento di Calamidad, pero tambe polis y brandweer mester bin haci nan test. Pero esaki ta e comienso, pa cuminsa traha ariba e plan di siguridad di Rosario College pa cual nan a aplica. Aworaki nan ta bezig ta desaroya un plan di siguridad pa e scol aki, y ohala e hopi otor scol por tuma ehempel di Rosario College, asina tur e scolnan ta sigur y asina por tin un Aruba sigur tambe.
Rosario College ta e prome scol cu a aplica pa un plan di siguridad, via di Departamento di Calamidad, pero no ta nan so. Salubridad Publico, Brandweer, Polis tur ta envolvi den dje. Awe tabata un test pa nan sinti con mester cumisna traha y awo tur cos ta bay ariba papel. Despues Brandweer ta tuma su parti y e otro departamentonan. Segun Sr. Hermans, nan ta ariba bon caminda.
E scenario tabata di un temblor, y paar di tempo pasa tabata tin e temblor di 5.5 grado. E ora no solamente un escape di candela, paso e ora ta Brandweer lo mester ta presente, pero esaki tabata un temblor, caminda, nan mester a drop, cover and hold. Pa despues evacua e tereno di scol, ya cu e scol ta bira insigur. Presente tambe DOW tabata presente, pa controla si e scol ta sigur pa e muchanan por bolbe bek. Y esey ta sosode tambe. Poco poco e proces ta cuminsa cana, despues cu a test e proces. Asina Departamento di Calamidad tambe por tin un bista si kico mester drecha den e procesnan. Ariba e caminda ey, cual ta uno basta largo pa bay, segun Sr. Hermans.
Departamento di Calamidad ta hopi contento di con e proceso a bay. Ta di compronde pa e muchanan chikito, tur ta papia den otro. Pero ora Brandweer bin, nan lo papia cu nan, y lo sa di guianan. Spera cu pa e siguiente aña escolar Rosario College por ta cla cu su certificacion y asina zorg pa mas scol haya esaki, segun Sr. Rino Hermans, di Departamento di Calamidad.