Despues cu dialuna mainta, gerencia di Cas Speransa a baha Sr. Rowald Tromp na DPL, ya cu na nan sede, Sr. Tromp no por a keda mas, Sr. Tromp a keda henter dia eynan, sin pariba ni pabao, sperando ariba un yudansa.
Casi 3 luna pasa, Sr. Tromp, bou promesa di Sr. Eisden di Departamento di Labor, cu e lo ta algo temporal, Sr. Tromp a bay keda, en principio pa 1 luna na Cas Speransa. Pero e 1 luna a bira casi tres luna.
Dialuna atardi, Departamento di Asuntonan Social a presenta na DPL asina nan brinda yudansa na Sr. Rowald Tromp.Esaki sigur tabata un sopresa pa Sr. Tromp.
https://www.facebook.com/masnoticia/videos/1152140168286124/
Sr. Tromp a bisa di ta dispuesto di bay traha, si ta algo caminda cu e por sinta. E ta keda sceptico di un trabao, ya cu segun su mesun palabranan “cual doño di trabao ta bay tuma un hende cu tin MRSA na trabao”. Loke el a pidi ta pa, si en caso e haya un trabao, cu nan no core kita su bijstand for di dje, cu si e no keda na trabao, e mester bolbe pasa un caminda di crus pa e por haya bijstand atrobe.
Di parti di Masnoticia.com, nos ta spera cu e yudansa aki por habri caminda pa algo mas stabiel pa Sr. Tromp.