Departamento di Asuntonan Economico ta cambia su imagen pa un poco mas moderno. Durante un conferencia di prensa, Sra. Sharon Meijer, Policy Advisor y Business Development na Directie Economische Zaken a splica un tiki di e cara nobo di e portal DEHZI.
E logo ta multilingual, como isla Caribense, nos ta multicultural y ta domina varios idioma. Door di esaki tin e logo oficial di DEHZI, cu ta na Hulandes. Pero tambe na Ingles, ya cu Ingles ta e idioma internacional di negoshi. Despues den e logo, tur logo tin un icon. E simbolo di e logo ta hopi importante, ya cu e ta un representacion di nan departamento.
Den e ilustracion grafico, e icon/simbolo ta representa tambe e cultura y vision di e departamento y ta haci’e cu a traves di tempo e por bira reconocibel atrabes di telefonnan celular, computer of otro aplicacion. E logo ta multilingual, como isla Caribense, nos ta multicultural y ta domina varios idioma. Door di esaki tin e logo oficial di DEHZI, cu ta na Hulandes. Pero tambe na Ingles, ya cu Ingles ta e idioma internacional di negoshi. Despues den e logo, tur logo tin un icon. E simbolo di e logo ta hopi importante, ya cu e ta un representacion di nan departamento.
Ademas di e vision di DEHZI, e ta simbolisa e obhetivo di e departamento. Door cu DEHZI ta responsabel pa conseha minister ariba maneho economico, implementa den nomber di minister esaki tambe. P’esey e icon ta simbolisa actividad economico, di un economia creciente. Riba e grafico tin tambe actividadnan economico ta wordo midi dor di e maneho di placa, door di esaki tin diferente moneda den e icon. Tambe tin un flecha cu ta bay ariba, cu ta enfatisa e economia creciente di Aruba.
E colornan di e logo
E blauw tin diferente simbolo y significacion. E blauw ta simbolisa confiansa den gobierno y su departamentonan. E ta nifica tambe lealtad, fiel den e principio pa hiba Aruba dilanti den tur cos cu nan ta haci, den cada servicio cu ta wordo brinda y den cada negoshi cu DEZ yuda. E parti blauw ta simbolisa tambe inteligencia. Dus e ta pa hiba e vision nan departamento cu ta desaroya DEHZI, pa desaroyo den un departamento ehemplar, cu ta cuminsa pa sigui brinda na Aruba, nos companianan local y internacional y institucionnan un servicio centralisa pa e cliente, eficaz di calidad halto. Atrabes di creacion di maneho adecuado den e area socio economico. E blauw ta nifica sinceridad den nan trabao y nan departamento.
E color oro, ta e monedanan di oro. E color di oro ta simbolisa un economia creciente, sabiduria y prosperidad pa un y tur.
E color shinishi ta e balansa cu nan kier a trece como gobierno, pa trece un vision dilanti. Pero tambe shinishi ta un color neutral, sereno y balansa cu ta accentua e parti formal di un departamento di gobierno.