Diasabra 5 december lo tuma luga e pago di bijstand, PR di Departamento di Asunto Social, Jesseline Kelly ta anuncia durante e pago y cu nan lo duna bonus di fin di aña ‘e bonus di tur cliente pa pago di december caminda ta haya un extra riba e luna ey’.
Tur esnan cu ta cobra bijstand normal y persona cu limitacion 120 florin ta e suma extra cu nan lo haya. Tambe nan lo anuncia e schedule pa aña 2021 tur esnan cu ta cobra bijstand via banco por bay riba www.das.aw pa mira schedule y riba Facebook pa tin update.
Pa motibo di mudamento Departamento di Asunto Social ta anuncia cu nan lo muda temporal na Belgiestraat dos. E mudamento aki lo dura for di dia 30 november te cu 4 december.
Nan servicio na e localidad nobo lo cuminsa diaranson 9 di December. Nan ta pidi pa tur cliente tin cooperacion cu nan. E por ta posibel cu algun cliente lo haya un yamada pa haci cambio di afspraak, of por surgi otro problema nan tecnico, pa e motibo aki ta pidi cooperacion y pasenshi.
Si tin persona cu mester di ayudo urgente durante e dianan cu nan lo ta mudando, semper por acudi na oficina di San Nicolas. Nan lo keda opera normalmente. Tambe pa haci uso di nan servicio digital.