Aña escolar 2016/2017 a cuminsa y un biaha mas DAS ta trece na atencion di tur famia cu ta riba bijstand y cu tin yiu cu ta bay scol, cu Gobierno ta bay duna un apoyo financiero extra atrobe.
Esnan cu por bin na remarca pa e sosten extra aki ta mayornan y yiu(nan) of yiu(nan) di criansa cu ta bayendo scol te cu e edad di 24 aÒa y cu tin derecho ariba bijstand te cu e pago di luna di Augustus 2016.
Esaki ta pa yuda cubri gastonan extra cu mester paga pa cumpra paÒa, sapato, articulonan pa scol etc.
E areglo aki ta conta tanto pa alumnonan di Scol Preparatorio (ìKleuterschoolî) como alumnonan cu ta bishita scol regular durante dia (volledig dagonderwijs).
Condicion ta cu e yiu(nan) mester ta bibando na Aruba y cerca e mayornan den cas y nan mester ta inscribi pa e aÒa escolar 2016-2017. E sosten extra aki ta wordo duna den dos forma:
Pa cada yiu cu ta bay scol lo ricibi Awg. 120,- extra (te na un maximo di Awg. 500,- pa famia) pa yuda pa cubri gastonan extra cu tin (schoolgelduitkering). Ta paga e placa aki hunto cu e pago regular di bijstand na luna di September 2016.
Tambe Gobierno lo yuda paga un parti di e contribucion cu e mayor mester paga na e scol di su yiu (ìouderlijke bijdrageî) te cu un maximo di Awg. 120,- pa persona. Esaki ta wordo paga directamente na e scol. Si e contribucion ta mas hopi cu e suma di Awg. 120,- mayor lo mester paga e diferencia.
E ayudo extra aki ta pa un solo biaha.
Departamento di Asunto Social ta pidi esnan concerni pa tuma bon nota di lo siguiente:
Pa bin na remarca pa e sosten extra aki, mayornan cu tin yiu(nan) of yiu(nan) di criansa cu ta bay scol, mester busca e formulario na e scol na unda e yiu(nan) ta inscribi entrante 18-08-2016.
Riba e formulario, cu Departamento pa Asunto Social a diseÒa specialmente pa e ocasion aki, tin un parti cu e mayor mester yena completo y firma.
Ultimo dia pa entrega e formulario ta dia 30 di augustus 2016, sin excepcion.
Dicho formulario por wordo entrega na oficina di Departamento pa Asunto Social na Oranjestad (Caya Mario E.Harms 11), durante oranan di trabou, di 8:00 am te cu 11.45 am y di 1:00 pm te cu 4.15 pm.
Pa mas informacion, yama libremente na 528-1100 y pidi pa Seccion di Bijstand.