Personal di ambulance ta den training pa nan siña core ambulance. Sr. Liberato Hoek ta splica mas ariba esaki.
Actualmente Ambulance tin personal nobo y nan ta wordo getrain ariba e parti di coremtento. TIn 7 chauffeur cu ta den opleiding y coremento tambe ta forma parti di e opleiding. Na Mei ultimo a haci bijscholing pa personal di ambulance y aworaki ta toca na e personal nobo cu ta den opleiding. E parti di “Rijvaardigheid” ta consisti di dos blok, cual ta dos siman di coremento. E lo dura en total di 4 siman caminda e personal nobo lo bay train e parti di coremento, tanto ariba caminda grandi como na Palo Marga.
Sr. Hoek a sigui splica cu ta parti di curiculum, cu e chauffeur tin e parti di coremento y e parti di duna asistencia medico. E parti di coremento ta hopi importante, ya cu e pashent mester wordo transporta for di A pa B, sea pa hospital of pa Centro Medico Imsan. E ta hopi esencial, ya cu pa e vak ta nobo y ta hopi importante pa sa kico tur ta e detayenan. No ta solamente core cu velocidad halto pa yega hospital. Pero mester tene cuenta cu e trafico, cu e pashent cu bo colega cu ta sinta patras. E autonan aki no ta auto di famia, e tin su peso. E tin e pashent, e tin e materialnan cu si bo core cu velocidad halto e por hunga un rol hopi grandi.
Mayoria di e personal ta nobo, pero tin uno cu a yega di traha caba na ambulance. Pero e sistema a cambia, e ta un opleiding di Hulanda. E instructor ta bin for di Ambulance Academie di Hulanda. Esey ta e rekisitonan cu e opleiding ta exigi.
Na final di e opleiding, cual lo ta na November y nan lo mester haci un examen di “Rijvaardigheid” y tambe e parti di “Medisch Assisterend” cual ta wordo haci na Corsou. E parti di RIjvaardigheid pa motibo cu e reglanan di trafico di Aruba cu Corsou toch ta diferente, segun Sr. Liberato Hoek, di Departamento di Ambulance.