Dentista Leonardo Maduro cu a studia nan Colombia ta wak cu keto bay e no por sirbi su pais paso no ta reconoce e profesionalnan cu ta studia den paisnan Latinoamericano. E ta splica mas ariba esaki.
Ora cu e la regresa Aruba despues di a studia 5 aña na Colombia, el a hay’e confronta cu yen di problema. Un di e problema mas grandi ta cu studiantenan den regio no ta wordo reconoci. E di dos problema ta cu no tin trabao pa Young Professionals. Aruba a bira dificil pa haya oportunidad y tur caminda ta cera porta pa nan. Y esey ta e motibo principal pa a join e partido MAS, y e lo kibra tur e bareranan y crea futuro pa e Young Professionals.
El a sigui splica cu e ta bin di un famia humilde, y ta danki na su mayornan cu ta brinda Sr. Maduro tur nan apoyo. Partido MAS tin un mision y un vision, ta hendenan di etica y moral, cu lo traha pa nan pais y no pa beneficio propio. E kier ta e voz y e simbolo pa e Young Professionalsnan, pa haci e pais aki, un pais di oportunidad, unda lo haya hopi apoyo y trabao.
Esey ta mas importante, pa e Young Professionalsnan por regresa nan pais y traha pa hiba e pais dilanti.
Loke a pasa 6 aña pasa no a kita e gana di Sr. Maduro pa keda Aruba. Apesar di tur e dificultadnan el a prefera di keda aki y traha pa Aruba. Ora cu el a yega su diploma no a wordo reconoci, semper el a lucha, el a traha cu dentistanan cu a yud’e y ta danki na esakinan, el a keda activo den comunidad. Danki na su push, y danki na e dentistanan cu a habri porta pa Sr. Maduro, no manera cu e lo a desea, pero toch di un manera el a wordo acepta.