Diasabra awor dia 3 di November e autor di buki pa mucha manera ‘Kaylee, Kaylee Reina di Carnaval, Papia nechi ku Koko Lep I Koko Lap(etiket Pa chikitin)’ Denise de Jongh Rekwest lo ta na Van Dorp Dakota pa firma su buki nobo pa tur su fans.
Na ocasion di celebracion di Festival di Buki di Mucgha, Denise ta trece buki Gino y Gina bek. E biaha akin a Ingles y Spaño. Banda di scirbi buki pa mucha Denise ta gusta fotografia y pinta tambe.
Durante actividad na De Wit & Van Dorp Dakota, “Ban topa cu e autornan di KBF 2018” Denise tambe lo ta presente. Su presentacion lo ta di 13.00 p.m pa 13.15 pm. Despues Denise lo tey pa firma su buki nobo: Gino & Gina Best friends/Gino y Gina Amigos del alma entre 1:30 pm te cu 5pm.
Denise de Jongh-Rekwest a nace na Korsou, cu rais na Aruba anto actualmente e ta biba na Boneiro.
Denise ta experto riba tereno di turismo y etiket. El a haña interes pa etiket durante su studio den ramo di turismo na Hulanda caminda etiket tabata un topico central.
Denise ta duna tayer di etiket y otro training pa 20 aña caba via Training & Consultancy 2000 na mucha, teener y adulto na Aruba, Boneiro, Korsou y Islanan Ariba. Na aña 2008, Denise a scirbi y publica su prome buki etiket pa mucha cual ta “Kaylee I su primunan ku fakansi na Korsou”.
Na 2010 su buki di strip, Gino y Gina, amigo di curason tabata Regalo di siman na Aruba.
E aña aki Denise ta celebra 10 aña cu e ta scirbi y publica pa su mes anto pa diferente otro autornan via su propio empresa di publicacion Request Publishing.
Pa sa mas di Denise por bishita su website www.requestpublishing.com
Pues nos ta invita tur hende bin pasa un rato ameno cu Denise Diasabra 3 di November.