ASUNCION, Paraguay- Autoridadnan sanitario na Paraguay diabierna a reitera e necesidad di elimina e criaderonan di sangura door di e aumento di e cantidadnan di casonan di dengue, cu pa loke ta 2019 ta na 94, mientras cu shete ta casonan di chikinguña.
Den un siman a registra 34 casonan nobo di dengue, siendo e departamento (estado) di Alto Parana, na frontero di Brazil, e area mas afecta den e pais Suramericano, cu 84 casonan según EFE.
E datonan ta evidencia di cu dengue ta avansa progresivamente, aunke na nivelnan inferior na e añanan anterior, dokter Guillermo Sequera, director general di Vigilancia di Salud, a informa.
For di Ministerio di Salud Publico a bin acerca e control di e areanan cercano ta clave pa frena e propagacion Aedes aegypti, e sangura transmisor di dengue, el Zika y Chikunguña
“Lo mas importante aki ta pa keda gefocused y sigui elimina e criaderonan pa evita e propagacion di e malesanan aki”, Maria Teresa Baran, director di e Servicio Nacional di Erradicacion di Paludismo (Senepa).
Di mes manera, Baran a enfatisa cu pa evita e brotenan di e malesa ta absolutamente necesario cu e “indicenan mester ta bou di 1%”.
Ministerio di Salud Publico lo cuminsa cu e campaña denomina “Salba vida sin criaderonan”, cu cual e ta invita e comunidad pa elimina recipientenan di awa, manera bari, hemchi of boter.
Tecniconan di Senepa ta esunnan encarga di elimina sangura den e luganan, aunke si nan ta adverti cu ta un tarea cu mester ta den cooperacion cu e ciudadania y un compromisa cu habitonan di higiene y educacion civico.
E formacion di criaderonan di sangura Aedes aegypti ta mas normal durante e estacionnan di aña mas calor y mas humedo.
Na 2013, Paraguay a sufri di e pio epidemia di dengue den su historia, cu 150 mil casonan di dengue registra y 252 morto, den un pais di 6.7 miyon habitante.