Director di Arubus, Sr. Teo Croes ta trahando ariba e servicionan actual cu Arubus ta dunando, y pa mehora e calidad di servicio y servicionan adicional, cu nan por atrae e pasaheronan. Sr. Croes ta amplia.
Si un hende sa cu e bus ta bin, sea ta dos minuut of tres minuut, vooral e trahado di hotel, ta cansa y ta subi un bus chikito. Pero si e sa ki ora e bus ta bin, e ta spaar su placa. Ya caba nan a bin cu e advantage card cual lo bay wordo restructura, caminda cu e ta duna na e pasahero e bentaha pa paga 2 florin, pero e lo tin cu uza esaki den 35 dia, pero un hende cu ta traha na hotel y cu ta biba San Nicolas sigur lo ta probecha esaki.
Den e casonan di busnan nobo cu no tin airco, esaki tambe Arubus ta kedando cla cu esaki, pa otro siman tur bus lo tin airco. Esaki ta pone cu e pasahero lo sinti’e hopi mas confortabel, cual ta drecha e servicio tambe. E otro punto ta cu nan ta en espera di gobierno ya cu nan tin entendi cu gobierno lo ta pensando di bin cu’n flota nobo di busnan. Pero esey nan no a discuti cu gobierno ainda.
Tocante e aspectonan di e problematica cu lo ta pasando Arubus awor aki cu caso di taxi pirata y e O y T- nrnan, Sr. Teo Croes Director a splica cu nan a notifica e situacion caba na gobierno, a traves di un rapport cual a wordo entrega na oficina di minister di Transport. For di tempo cu e fenomeno aki a cuminsa, for di 2012, Arubus a perde mas o menos 1 miyon pasahero total. Esey ta trece un reto basta grandi pa Arubus. Pero un parti di dje a wordo tapa door di e retourticktenan cu nan ta bende cu turista, pa AWG. 4, 50, segun Sr. Teo Croes, director di Arubus.