Politica exterior
“Den mundo nos ta enfrenta regimennan corupto, gruponan terorista y rivalnan manera China y Rusia ta desafia nos interesnan, nos economia y nos balornan. Debilidad ta e caminda mas sigur pa un conflicto y e poder desmedi ta e forma mas sigur di defensa. Según nos ta reconstrui e forsa y e confiansa den Merca den nos mesun frontera, nos ta bay reestablece nos forsa y nos posicion den exterior”.
Economia y empleo
“Desde eleccion nos a crea 2.4 miyon di empleo nobo, incluyendo 200 mil empleo nobo den fabricacion so. E solicitud di beneficio pa desempleo a yega na un minimo den e ultimo 45 aña. E desempleo di e Africoamericanonan ta riba e tasa minimo cu a wordo registra y empleo di e Hispanonan tambe a yega su nivelnan historico menor. Nos recortenan impositivo lo brinda un alivio tremendo pa e clase media y e comerciante chikito. Ademas, Merca finalmente a duna un buelta na e pagina di decadanan di acuerdonan comercial inhusto, cu lo sacrifica nos prosperidad y a manda nos companianan y rikesa di nos pais pa exterior. Desde cu nos a aproba e recortenan mas o menos 3 miyon di trahado a ricibi bononan pa recorte impositivo, hopi di nan, di miles di dollar pa trahado. Chrysler a muda un planta importante pa Mexico pa Michigan, Toyota y Mazda lo habri un planta na Alabama. Pronto den henter e pais lo habri plantanan nobo. Ta noticianan cu Mericanonan no ta custumbra di scucha. Pa hopi aña, e empresanan y empleonan a bay di akinan. Pero awo nan ta biniendo bek.
Sentimento nacional
“Esaki ta nos New American Movement. Nunca tabata tin un miho momento pa cuminsa biba e American Dream. Mericanonan stima nan pais. Y e ta merece un gobierno cu ta mustra nan e mesun amor y lealtad. Nos a avansa cu un solo mision: duna Merca e grandesa bek pa tur e Mericanonan. Merca ta un pais compasivo. Nos ta orguyoso di haci mas cu tur otro pa yuda esunnan mas den necesidad, esunnan desampara. Pero como presidente di Merca, mi lealtad superior, mi compasion mas grandi ta e muchanan di Merca, cu ta lucha na Merca, e comunidadnan lubida di Merca.