E ekipo di ECO Destination Management a wordo premia cu e oportunidad pa crece den e industria di MICE, esta Meetings, Incentives, Conferences and Exhibitions, y nan a biaha pa Panama pa e Conferencia Global benidero di SITE.
E aña aki, ECO DMS ARUBA a hisa e nivel di sosten di SITE, un organisacion global, keriendo den e habilidadnan di su mesun hendenan den Caribe Hulandes, conduciendo un competencia di Lidernan Hoben pa e oportunidad pa nan participa.
Rijuenne Tromp, kende recientemente a wordo promovi pa Gerente di Evento, Melanie Lacle, kende recientemente a wordo promovi pa Gerente di Programa, y Sergino Croes, kende recientemente a wordo promovi pa Gerente di Desaroyo di Negoshi, a wordo scogi pa viaha pa Panama, y tambe lo ta participando den e curso di CIS course, esta certificacion di Certified Incentive Specialist, cual ta sirbi tambe nan deseo pa crece den e industria di MICE.
Maoreen Every, un Profesional Certifica di Maneho di Destinacion, kende ya caba a participa den e certificacion di CIS den pasado, tambe ta participando den e conferencia hunto cu Wichita Villacres, e compania su Presidente y CEO.
E tayer di CIS ta ofrece un comprension amplio di e industria di biahe di incentivo, como un manera pa mehora e nivel di servicio na e segmento specialisa aki di e industria di reunion y evento, hibando esaki pa un nivel mas halto di profesionalismo. E curso ta diseña pa miembronan di SITE, y ta un fuente excelente di conocemento, experticio y networking personal.
Rijuenne a participa den e competencia di Lidernan Hoben riba su mes, segun Villacres, y el a skirbi un bunita opstel, cual a haci cu el a gana e biahe.
ECO DMS ta e top Compania di Maneho di Destinacion di servicio completo den Caribe Hulandes, operando na tanto Aruba como na Corsou, cu un oficina di sucursal na Florida. E compania a combina creatividad, servicio personal y talentonan profesional superior pa crea experiencianan motivacional memorabel pa clientenan cu ta bin di rond mundo, pa mas di 26 anja caba. ECO DMS ta un miembro orguyoso di: SITE, MPI, FICP, ISES, ADME, AHATA, CHATA, SKAL & GMIC.