Durante conferencia di prensa yama pa partido PDR, a puntra lider di fraccion Andin Bikker kico tin di berdad cu PDR a aceca Juan David Yrausquin pa subi lista. E ta berdad of e ta algo falso cu a ser poni riba Facebook.
Tabata tin hopi cuestionamento cu Bikker a sinta cu Yrausquin pa eleccion 2017. Bikker a splica cu no ta su custumber riba comentarionan riba Facebook. Unico cos cu el a bisa cu sr. Yrausquin ta un amigo personal di dje prome cu el a drenta politica. Ora cu bishita Merca, Bikker sa bishit’e. No tabata den ningun discusion avansa pa cuenta di lista. E no tabata sa kico e ta bay haci y caminda cu a ripara cu despues a tuma e decision pa drenta bek politica.
Pa loke ta Facebook, no ta cuadra cu realidad. Ora cu combersa, ta combersa riba politica, pero no tabata tin ningun combersacionnan avansa, riba un palabracion y a tuma su decision awor aki.
Na e momento cu nan a combersa, no tabata tin nada di haber cu subimento di lista, sino a base di amistad. Bikker a bishite algun biaha como amigo.
Loke cu a sosode tabata un decision di un partido politico cu ta den posicion pa scoge nan ministernan y PDR no ta bay mete den otro partido su asunto. Ta na e partido. Awor nan a nombra politico y tambe nan a nombra dos hende den pasado hendenan cu no tabata aparece riba lista, pues esey ta keda e prerogativa di e partido, Bikker a splica.