Young Fellow Bar and Restaurant ta un di e lugarnan cu durante ultimo lunanan a sufri hopi a causa di e trabounan cu ta tuma luga pa loke ta Green Corridor. Unabes cu a asumi e responsabilidad Otmar Oduber como Minister encarga cu Infrastructura y di parti Gobierno di Aruba, a combersa cu diferente doño di lugar cu tin riba e ruta. E empresarionan a indica di a sufri hopi door di e trabounan di construccion riba caminda grandi y dado momento acceso pa nan negoshi a bira dificil.
Siman pasa a combersa cu DOW riba esaki y ta gradici e empleadonan di DOW cu despues cu a trece e preocupacionnan aki dilanti, a revisa nan plan y a logra cu na un forma rapido a percura pa e negoshinan aki ta mas accesibel pa nan clientenan. A considera e dianan di fiesta y e impacto cu esaki tin riba e benta di negoshinan aki, eora a improvisa y crea acceso di caminda grandi pa e negoshi. Danki na e trahadonan di DOW y director di DOW cu a logra haci locual cu anteriormente a wordo bisa cu no por wordo haci!
Cu e Gobierno actual pueblo sigur lo mira mas efectividad tuma lugar cu e trabounan di DOW. Trabounan cu por lo wordo haci anochi y lo mira pa acelera e trabounan tambe pa no perhudica comercio y tampoco comunidad.