Cuerpo Policial durante weekend a atende cu en total di 28 asistencia cu tawatin di haber cu campaña politico.
For di algun siman caba Cuerpo Policial a asigna un comision pa atende tur problematica entorno eleccion 2021.
Na comienso a organisa un reunion pa asina cera conoci cu tur e personanan di contacto di tur partido politico y despues a reuni cu cada partido politico individual caminda a papia cu nan over e Decreto Ministerial y ki strategia nan lo a bay uza pa cu nan campaña.
A cumbini cu tur partido cu Cuerpo Policial tin un solo meta en comun y esey ta pa preveni e contagio y plamamento di COVID-19 y cu esey den mente nan mester tene na cuenta cu Samenscholing, mantene distancia Social y e uzo di tapaboca.
Dus cu otro palabra 2 hende hunto, distancia di 1,5 meter for di otro y preferibel no ta drenta cas y ta keda pafo scucha e personanan cu ta biba na e cas.
Di e 28 asistencia cu Cuerpo Policial cu bay relaciona cu campaña politico por a constata cu varios partido politico no a tene nan mes na e palabracionnan haci y a atende nan ariba esaki.
Cuerpo Policial ta pone enfasis cu tin un Decreto Ministerial cu mester atene na dje y durante e encuentro semanal lo repasa y evalua hunto cu tur partido politico.
Nos di Cuerpo Policial tin e obligacion pa zorg pa tur hende cumpli cu e leynan poni den e Decreto Ministerial y no por tolera y ta condena cu e leynan aki wordo kibra.
