E parada grandi di San Nicolas a cuminsa exactamente 12’or merdia. E personalnan di EMS cu ta cana full e ruta di carnaval y personal di ambulance di Imsan den e prome tres ora a brinda atencion medico na 13 persona, di cual 2 a keda transporta pa hospital. E solo fuerte y no bebe mucho likido tambe a hunga un rol cu hendenan a bira malo mes. Den area di Carnival Village tambe tabatin varios caso di hende malo y hasta personal di brassband a keda atendi.E coordinacion entre e Comando Kamer di Polis, Ambulance y EMS tabata bon comunica pa asina atende tur caso di mester di atencion riba ruta.