Den dos siman lo firma MOU cu federacion cu lo maneha Palo Marga

Recientemente a tuma luga un reunion tocante e deporte di dragrace, cu pa añanan largo dragrace tabata wordo maneha y no sa si tabata tin permiso. Door di esaki, minister di Infastructura Sr. Otmar Oduber y tambe minister di Deporte, Sr. Dangui Oduber, a reuni cu e diferente actornan cu tin di haber cu e deporte di motor.

Palo Marga ta propiedad di gobierno y pa hopi aña no tabata niun organisacion cu ta responsabilisa su mes pa loke tabata pasa eyriba. Y tambe e facilidadnan cu tin ariba e propiedad aki, tampoco tabata tin un hende cu ta para responsabel pe.

Durante e reunion tabata tin un balans cu ta cana pa tur banda. Por mira cara di esunnan cu anteriormente tabata organisa y tabata tin Palo Marga bou nan responsabilidad, presente. Tabata tin personanan cu tabata mas activo, esunnan mas jong. Tabata tin pa prome biaha, manera cu nan mes a expresa, tur e gruponan tabata hunto, algo hopi positivo. Tur e comentarionan cu a bin dilanti durante e reunion, tabata uno cu gobierno a tuma un bon paso den e proposicion cu Minister Dangui Oduber a trece dilanti, unda cu kier bin cu’n federacion unda cu lo tin representacion di cada un di e deportenan aki di motor. Banda di esey, a palabra cu lo bin cu’n inventarisacion riba Palo Marga pa loke ta e facilidadnan. Lo traha un rapport y aki dos siman lo por firma un MOU cu tur esunnan cu tabata presenta, cu e gruponan cu tabata presenta, unda cu lo bay over di biaha, den lanta un federacion y for di e momento ey, gobierno lo traspasa e facilidad pa e federacion in oprichting, cu naturalmente lo mester wordo guia pa codigo di bon gobernacion, cual tur a bay di acuerdo cun’e.

En general, e tabata un reunion hopi positivo. E tabata un reunion hopi trankilo, unda cu tur hende a comparti nan vision pa futuro. No a bay ariba loke a pasa caba, pero ta focus ariba futuro. Pero lo traha pa mehora, gobierno a mustra ariba e hecho cu e deporte ta importante, pero tambe e siguridad pa evita cu e deporte ta wordo practica ilegal, ariba caya.

Ainda gobierno ta wak un rol mas activo cu solamente deporte, pero atrae e hendenan aki pa organisa nan mes, na Palo Margo, cu e facilidadnan aki. Como gobierno nan ta bay duna e apoyo tambe pa tur e trabaonan pre eliminario cu mester tuma luga. Y unabes cu nan organisa nan mes, nan por haci apelacion na subsidio cu por wordo duna, financiamento, na sponsorship. Comunidad y comercio na Aruba lo realisa cu tin un grupo serio trahando pariba pa e pista. Y tur esunnan cu ta forma parti di federacion, ta kita nan petchi, no ta representa ni team ni nada, pero ta focus ariba e pista, e maneho di e facilidadnan cu tin ariba dje.

Minister Otmar Oduber ta contento y mirando cu na comienso cu tabata tin hopi disturbio ora cu gobierno a tuma e decision aki. Awo tur hende por compronde e pakico a tuma e decision aki.

Comments

comments