E comunidad di Aruba kier siguridad cu nan y/o nan sernan keri lo no pasa nan nada ora cu nan ta interna, mirando cu ya caba tin 23 accidente caba cu a sosode. Y esey ta sin cu e proyecto ta cla. Sr. Ezzard Cilie, director di Hospital ta amplia.
Sr. Cillie a bisa cu e ta desea di garantisa, pero mester compronde cu su persona tambe ta pendiente di e edificio pa e ta up to date. Esey ta cay bou di responsabildad di otro persona. Pa Sr. Cillie, no tin nada mas importante pe cu ta e pashentnan. Esey ta su motibo di existencia, na tur ocasion e pashent ta bay prome. Dus e cuido, e siguridad di e pashent ta bay semper na prome luga. Y kico cu sosode, prome cos cu e ta wak ta e pashent. Cu 23 accidente pa aña, 2 pa luna, esey ta nifica cu dos biaha pa luna, e ta mestr para keeper pasobra algo ta bay pasa su pashentnan. E tin cu ocupa su mes cu cosnan cu diario, cu no ta cay bou su responsabilidad pero cu e mester proteha nan. Como director di Hospital, e ta responsabel pa e trahadonan. Como director di Hospital, e no tin e autoridad di esey pa e haci algo, otro ta dicidi pe. Tin biaha, segun Sr. Cillie, e compania cu ta haci e trabao ta yudanan, pero e no tin relacion cu nan. Ta parce cu e mester keda ripiti e mesun cos cada biaha.
Locual cu Sr Cillie tin na conocemento y hechonan, e no por laga hende drenta hospital cu e not a sigur. Y esey e mester garantisa y si algo bay malo, e mester para responsabel pe. Accidentenan e no tin nada di haber cu nan, pero e ta cay bou di su responsabilidad al final.
Loke cu pasa na prome luga ta salbaguardia e siguridad di su pashentnan. Na di dos luga, e empleadonan y na di tres luga, e edificio cu tur su ekiponan cu e ta responsabel pe. Eyden e ta inverti su tempo y energia den dje. Semper na prome luga, ta bin e pashentnan, Sr, Cillie a finaliza bisando.