Stichting Hunto a tene un conferencia di prensa pa anuncia nan tres dia di informacion pa comunida den coneccion cu Traficacion Ilicito y Abuso di Droga, y nan caminata. Michelle Lont trahado Social Stichting Hunto, a informa cu lo tin tres dia di informacion cual lo bira dia 19, 20 y 23 juni 2023 na Santa Teresita Center San Nicolas. Aki lo ta dunando informacion di diferente temanan. Dia 26 ta comemora y ta para keto riba tema di e dia internacional di Traficacion Ilicito y Abuso di Droga.
Lo trata diferente tema entre otro lo enfoca riba e persona cu ta recientemente uzando e droga, esun cu ta uza e droga caba y na e persona cu ta den recuperacion, y aki lo splica tur e proceso y con nan por haya e yudo cu nan mester.
Tambe a hiba palabra Nelisabel Angela Cordinadora di actividad Stichting Hunto na e departamento na Centro Colorado. Despues di e tres dia di informacion nan lo clausura cu un caminata. Riba 25 juni 2023, e caminata di 5km lo sali di Centro Colorado y lo caba na e mes un caminda cu a sali y pa 6am lo cuminsa cu un zumba di 15 minut y despues pa 6:30am lo start cu e caminata. Ta invita full pueblo di Aruba cu kier apoya e actividad pa participa y ora di cumpra bo tiket warda esaki bon ya cu lo tin premionan.
