Miles di muchanan Iraki ta bayendo bek scol den cierto areanan di Mosul, caminda forsanan gubernamental a eradica militantenan di Estado Islamico.
Segun e UN Children Fund, 30 scol a habri nan portanan bek diadomingo, dunando oportunidad di educacion na 16 mil mucha, despues di dos aña di gobierno yihadista.
Acerca ta bin 40 scol cu lo habri nan portanan den e simannan binidero, despues di inspeccionnan di siguridad.
Estado Islamico ta uza scol pa indoctrina muchanan den su ideologia extremista.
Mucha hombernan ta sigui un curiculo rigido, caminda pintamento, historia, filosofia y estudionan social ta wordo considera metodonan ateista door di ISIS. Na su luga, nan mester memorisa versiculonan di Koran y atende trainingnan yihadista, cu ta inclui uzo di arma y artenan marcial.
Mucha muhenan, cu a wordo prohibi di sigui un educacion, mester uza un velo y ta wordo siña con pa cushina y con pa cuida nan futuro casa.