LONDON, Reino Uni- Miles di persona a subi caya den e manifestacion “March for the future” pa protesta contra di Brexit. E manifestantenan, cu tabata zwaai banderanan Britanico y di Union Europeo, tabata exigi un referendum nobo.
Segun e organisadoann di People’s Vote-campagne mas o menos 600 mil persona a forma parti di e manifestacion aki. Polis a bisa di no por duna un calculo di esaki. Door di e magnitud di e protesta, esaki a sali un ora mas laat.
E manifestantenan ta spera di bin cu’n referendum nobo pa Brexit. Nan ta pensa cu e gran mayoria di e Britaniconan lo vota contra di e Brexit. Esaki ta diferente di dos aña apsa. E tempo ey, casi 52% di e votadonan a vota na fabor di un Brexit y 48 % a vota contra.
Premier May ta exclui un di dos referendum. E tin e apoyo di e votadonan contra. Segun May, hopi Britanico lo perde nan confianza den democracia si e referendum di dos aña pasa no wordo respeta.
Den e demostracion tabata tin varios hoben cu dos aña pasa no tabata tin derecho di vota. Un di e demostrantenan ta studiando Spaño y kier sigui studia den exterior. Pero e no sa si e lo bin na remarca pa un beurs Europeo pa hobennan cu kier sigui studia den un otro pais Europeo.
Un hoben di 16 a bisa di cu’n Brexit, hobennan lo tin mas di perde. Nan lo tin menos placa y menos chance pa un carrera.