Aña 2021 ta aña di Eleccion pa Hulanda, Corsou y Aruba. Derecho di voto ta uno sagrado di cada cuidadano. Concientisacion den forma Objetivo, transparente y carga di informacion ta loke e programa “Democracia 21” lo bay ofrece e comunidad di Aruba pa asina bo sa e motivo pakiko bo mester eherce esaki.
Democracia 21 lo cuminsa cu e prome edicion cu un producción inovativo, interactivo y independiente treciendo pa e comunidad di Aruba y mundo completo eleccion 2021 di Curaçao cu invitado y comentarista nan cu lo duna informacion y haciendo e conteo pa asina nos cera conoci cu e resultado final. Nos Coresponsal lo ta bibo for di Corsou pa asina trece den detayes e ultimo den informacion y acontecimento for di Willemstad.
Abo ta invita pa sintonisa TV22 diabierna 19 di Maart 2021 pa 8.30pm pa e prome edicion di “Democracia 21”. Pa esnan cu ta desea por sigui e eleccion atraves di masnoticia.com y tambe e Facebook page Democracia 21 Tv.
Democracia 21 den su prome edicion lo ser presenta pa Riecardi Irausquin y Vanessa Hollander.