Despues cu for di 2016 e casonan di atraco cu a cuminsa den barionan hopi proteccion ta drenta pa polis duna charla di parti di e departamento di prevencion di KPA pa cual aki Sr. John Larmonie ta splica.
Januari cu Februari, KPA ta hopi druk cu e scolnan, pa papia cu e hobennan ariba nan comportacion, vooral relaciona cu Carnaval. Pero asina mes, nan ta hayando mas y mas peticion pa charlanan den bario, den e Neighborhood Watch. Ta splicanan kico ta e cosnan importante y ta cuminsa cu e cosnan basico cu ta siguridad na cas. Tur cos ta cuminsa na cas prome y djeynan, con ta coopera cu otro y kico cu mester haci y cosnan cu mester evita, pa no hinca curpa den peliger innecesario. Un grupo di Neighborhood Watch no ta un grupo di vigilante, pero ta un grupo di ciudadanonan cu ta alerta, cu tin bon contacto cu polis. Sr. Larmonie ta splica cu e ta encurasha nan pa nan cera conoci cu e polis di bario, pa nan tin bon contacto cu nan, cu si e lo kier forma parti di e grupo riba whatsapp.
Den pasado cierto patruyanan cu tabata traha den cierto barionan, tabata forma parti di gruponan asina y esaki a duna bon resultado. KPA ta purba mas cu ta posibel pa nan honra tur e peticionnan aki, pa asina por saca e informacion afo. Hopi hende ta sinti malo riba e situacion di criminalidad, pero tin cosnan cu por wordo haci. Cada ken mester duna di nan banda, pa cas y negoshi ta mas safe posibel y polis lo tuma for di eynan.
Sr. Larmonie ta splica cu siguridad ta cuminsa na cas. Mester tuma medidanan di prevencion, dia cu a cuminsa tuma medida, a cuminsa cu un medida so, Cada ken ta kies kico pa nan ta mas conviniente of responsabel financieramente.
E manera corecto pa haci, segun Sr. Larmonie ta dor di poco poco cuminsa crea bareranan. Pa con duro cu esaki por zona, di pone lus, pone lock, alarm, pero mester cuminsa un caminda. Lo ta bon pa cuminsa na bo cura, e atracadonan ta haya acceso demasiado lihe na e cas door di e porta di cura cu ta keda habri, unda cachonan ta ariba caya ta morde hende, enbes di ta den cura y proteha nan tereno.