Willemstad Curacao: Fiskal di Ministerio Publiko (OM) Korsou a hasi demanda awe, 7 di september 2018, den kaso “Gabilan”. Ta trata e kaso na unda tin 4 homber sospechá di asesinato di Gerald “Chado” Nicolaina dia 5 di febrüari 2017 den su kas den Penstraat.
Fiskal a pidi Wes un kastigu di 16 aña di prison pa Shurandy C. (1980). Tabata su plan pa mata Nicolina. El a presenta ku arma, outo di huida i bivakmuts.
Pa Michael “Chamo” V. (1996) a pidi Wes un kastigu di priso di 16 aña pa su rol den e asesinato.
Pa Shervienne M. (1991) a pidi18 aña di prison pa su rol. El a los e tirunan fatal ku a mata e viktima i a pega e outo di huida na kandela den Coronet.
Pa Roberto “Batuto” R. (1949) a demandá un kastigu di prison di 18 aña komo esun ku a paga 20.000 florin pa laga asesiná Nicolina. E ta ser konsiderá e sospechoso intelektual.
Tur 4 ta detene na e momentunan aki, pendiente pa e veredikto di Wes aki 3 siman.