Delta a yega Wuhan

E brote di e variante Delta di  di e coronavirus nobo na China a yega Wuhan, e epicentro di e pandemia original, cu a causa cu a haci test den tur e ciudad mientras cu autoridadnan ta haci esfuerso pa wanta e prome infeccionnan local. Esai ta e promenan den e ciudad desde mas cu un aña.

China ta lidiando cu su pio brote den basta luna, cu mas di 300 caso detecta den mas di dos dozijn di ciudad di henter e pais. E pais ta conta awo cu 144 zona di riesgo averahe y halto, e cantidad mas grandi desde e brote inicial na inicio di 2020, segun informe di Comision Nacional di Salud.

E velocidad y e magnitud di plamamento a causa restriccionnan masivo den e biahenan nacional, cu suspension di tur e servicionan di autobus entre e ciudadnan, taxi y huur di autonan den e zonanan menciona. Autoridadnan Chdi inmigracion tambe a priminti “restringi estrictamente e biahenan pafo di frontera no urgente of innecesario,” incluyendo mas condicion pisa pa entrega di paspoortnan pa e ciudadanonan Chines.

Dialuna a registra shete infeccion entre e trahadonan migrante na Wuhan, e ciudad di centro di China unda a detecta pa prome bes coronavirus na december, 2019. Te cu diaranson, a registra un total di 20 infeccion local, incluyendo 8 caso sin sintoma, segun Comision Provincial di Salud di Hubei.

E ciudad di 11 miyon di habitante a haya su mes den su prome y posibelmente e blokeo mas estricto pa coronavirus di mundo na januari, 2020. Esaki tabata durante e brote inicial.

A pesar di e mal maneho inicial, Gobierno Chines a proclama Wuhan como un historia di exito den su lucha contra pandemia. Na augustus di 2020, mientras cu gran parti di mundo tabata lucha contra COVID-19, Wuhan tabata noticia internacional ora cu nan a organisa un festival di musica electronico den un parke acuatico den aire liber. Tabatin miles di persona celebrando, sin tapaboca, ni medida di distanciamento social na bista.

Pero awo e variante Delta, sumamente contagioso, ta pone autoridadnan den alerta maximo. Diamars Wuham a pone den movecion un campaña di test di coronavirus den henter e ciudad, cu e residentenan formando filanan largo den luganan di haci test te cu oranan laat di anochi. E ciudad a stop 17 linea di autobus y a cera varios stacion di metro.

 

Comments

comments