Deloitte Dutch Caribbean y Prof. Dr. Peter Kavelaars a organisa un seminario tocante e ultimo desaroyonan di impuesto na Aruba Surfside Marina riba 18 di augustus. Inmediatamente despues di e seminario, esnan presente tabatin e oportunidad pa papia cu otro na un den un ambiente casual durante un ora di cocktail social.
Prof. Dr. Peter Kavelaars, kende ta un partner na Deloitte, como tambe un profesor di Fiscale Economie na Erasmus Universiteit Rotterdam, y un profesor na e Universidad di Corsou, a duna un lectura interesante riba e ultimo desaroyonan di impuesto na Hulanda y Europa.
Su publico a consisti di profesionalnan di companianan local di accounting, negoshinan local y a inclui empresario, empleadonan di e Departamento di Impuesto di Aruba y varios colega di e oficina di Deloitte Aruba.
E programa a cuminsa cu Rudie Teerling, un colega di e oficina di Deloitte Aruba, kende a duna un presentacion breve tocante e ultimo desaroyonan di impuesto akinan, enfocando riba e efectonan di AirBnB y e implicacionnan posibel riba impuesto pa empresarionan local.
Despues, Profesor Kavelaars a papia. Prome el a papia tocante e asina yama “vermogensrendementsheffing” na Hulanda, splicando e aumento di presion contra esaki, resultando den cambionan na e ley di impuesto Europeo.
Despues di esaki el a papia tocante e asuntonan pa loke ta trata e impuesto di dividend cual ta existi bou di e ley Europeo y el a raporta riba e veredictonan di e Corte di Husticia di e Union Europeo cu a permiti “grensoverschrijdende fiscale eenheden” pa forma. Tambe el a evalua e progreso pa loke ta e introduccion di un sistema di intercambio obligatorio y automatico di informacion entre e estadonan miembro di EU.
Mientras cu e tabatin e atencion total di su publico, profesor Kavelaars a investiga pais pa pais, raportando con hopi ganashi companianan multinacional tabatin y con hopi impuesto nan a paga. Tambe el a toca riba e asina yama register di UBO unda e maximo doño beneficiario di un compania ta wordo registra, y ta un instrumento uza pa trata asuntonan relaciona cu e Panama Papers. Finalmente el a papia tocante e efectonan di e voto di Brexit y su consecuencianan pa impuesto.
Na final di e seminario, esnan presente a disfruta di un ora di cocktail casual durante e bahada di solo, riba e bunita deck cu bista riba e lama Caribense y pasapalonan. Aki, e profesor a sigui combersa cu tur hende, den un ambiente amable y caluroso. Como un sorpresa special, cupcakes di Deloitte a wordo sirbi dorna cu e logo nobo, introduciendo e foro na e imagen nobo!
Aki por mira algun momento di un seminario sumamente interesante y e fiesta di cocktail.
