Alyssa Singh ta un miembro di Delegacion Hubileo Hubenil 2025. Nos Delegacion ta preparando pa bay Roma Italia pa un Hubileo 2025 y nos ta preparando actividad nan pa recauda fondo pa asina por bay. Stichting Angels & Stars ta un Stichting Religioso cu ta consisti di total 6 boluntario, cu ta haci proyecto nan pa yuda hende grandi, recauda fondo nan pa por bay cierto pais nan. E delegacion di Hubileo 2025 tin hoben nan di 18 aña bay ariba y adulto nan cu tambe lo bay.
Nos lo ta ongeveer 30 persona. Nos a recauda fondo Dia di Betico 25 di Jan, 18 di Maart tambe y awo nos ta haciendo e fundraising bingo 3 di Mei. E bingo lo tuma luga diasabra 3 di Mei cual ta e Caribbean Bingo cu ta tuma lugar na Club Caiquetio, porta nan ta habri 6or y e Bingo lo cuminsa pa 8or y lo caba te den ora nan di marduga. E lo ta di 10 wega, e wega nobo lo ta Afl 1000 y e di 10 wega lo ta Afl 2500. Nos tin premio nan special pa grupo nan uniforma di 8 hende of mas y pa persona nan individual mas creativo cual tambe por gana premio. Pa cumpra caarchi por comunica cu nos na 565-7176 of na e miembro nan di Delegacion Hubileo riba Facebook riba e page di Stichting Angels & Stars. E lo ta un Peregrination, un encuentro religioso na Vaticano, unda hoben nan di varios otro pais por uni hunto pa glorifica resa alaba senjor. Pesey nos ta invita pueblo di Aruba pa tuma contact cu nos cumpra caarchi di Bingo bin pasa un rato agradabel den dushi ambiente y yuda nos haci e biahe aki posibel.
