Recientemente un delegacion di tennis a biaha pa nos hermana isla di Corsou unda cu nan a participa den e asina yama Grand Slam Development Fund (GSDF) U12 cu ta un pre qualifying Caribbean 12 championship. E dos hobennan Sebastian Ruiz y Abhay Daswani, bou guia di coach Jonathan Goitia, lo hunga den e torneo cu ta uno di 12 aña. Aruba lo ta den pool C, hunto cu Bahamas, Guyana y Surnam. Nan locuminsa na hunga e round robin pa despues avansa pa e “main draw” si nan logra triunfa den tur nan tres weganan hunga. Mester bisa cu e prome tres paisnan lo sigui pa e torneo grandi den luna di November na Mexico, unda lo hunga e finalnan.
Mester bisa cu e deporte di tennis ta den un tremendo desaroyo, unda nos por mira nos tenistanan hoben sobresali den torneonan internacional bishita. Algun dia atras nos por a wak un bon presentacion di Patrick Sydow, Kayla Solognier y Kyle Frankel den tres diferente torneo den exterior. Tur a sa na bataya fuertemente te final y logrando resultadonan satisfactorio.
Un danki sigur na Lotto, e Loteria di Aruba pa medio di Comision di Subsidio cu a subsidia e biaha di nos delegacion di tennis pa e Pre Qualifying Caribbean 12 Championship di tennis na Corsou.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
