Delegacion di Mountain Bike a logra un tremendo resultado den Caribbean Cycling Championship MTB 2019 na Republica Dominicana

Recientemente un delegacion den e deporte di Mountain Bike cu a atletanan Ruson Gonzalez (elite), Elise Bossong (elite), Indy van Vliet (junior) y Andre Kock (pre junior) a biaha pa e Caribbean Mountain Bike Championships 2019 na Constanza, Republica Dominicana. Mester bisa cu e delegacion di Mountain Bike a regresa cu varios medaya pa nos atletanan. E hoben Ruson Gonzalez a clasifica na e final di e eliminator race, unda e ta termina na un di 4 lugar den e final. E hoben Andre Kock a sali na di 2 lugar den e Cross Country race, categoria Cadetes B 15-16 aña. E veterano Gert van Vliet a sali na di 3er lugar den categoria Master C50+ mientras Elise Bossong a sali na di 3er lugar den Categoria women Elite sub 23. Tambe nos ta haya Ruson Gonzales a sali na di 2 lugar den categoria male elite sub 23, mientras Indy van Vliet a sali na di 6 lugar den categoria jr 17-18 aña. E ultimo a haya fayo tecnico cu su bicicleta. Stichting Sportsubsidie Aruba ta contento di por aporta y brinda e ayudo na e federacion di ciclismo, AWB pa asina nan atletanan di Mountain Bike por competi den e Caribbean Mountain Bike Championships 2019 na Constanza, Republica Dominicana. Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.

Comments

comments