Recientemente, di 1 – 14 di September, FIDE (Federacion Internacional di Ajedrez) den coopercacion di e Azerbaijan Chess Federation, a organisa e di 42 Olympiada Mundial di Ajedrez, na Baku, capital di Azerbaijan. E Olimpiada Mundial di Ajedrez ta e tercer evento deportivo mas grandi na mundo, despues di e Weganan Olimpico y e Universiada Mundial.
Mas cu 3000 ajedresista y delegadonan, representando 180 pais, a acudi na e evento magno aki.
Federacion di Ajedrez di Aruba tambe a manda su delegacion, un Open Team y un Women’s Team, bou liderazgo di Hefe di Delegacion sra. Sherley Pesqueira;
Aruba Women’s Team
Captain: CM Raymundo Dijkhoff, Borchi 1; Stacey Caton, Borchi 2; WFM Maria Diaz, Borchi 3; WCM Zaily Arbona, Borchi 4; WCM Annelaine Jacobs y reserva; Monica Bremo.
Aruba Open Team
Captain: Maurits Dijkhoff, Borchi 1; Quintin van de Seijp, Borchi 2; CM Octavio Croes, Borchi 3; CM Jose Pesqueira, Borchi 4; Jomar Benschop y reserva; Enrique Jacopucci.
Den e Open Section a participa un total di 176 pais y den e Women’s Section un total di 137 pais.
Open Section
Den e Open section a participa un total di 176 pais, di 180 pais afilia na FIDE, y despues di 40 aña USA a bolbe gana medaya di oro, mientra cu e medaya di plata a wordo gana pa Ukraina y e medaya di brons a bay pa Rusia.
Aruba a logra di gana 4 match, contra di Congo, Togo, Swaziland y Bermuda, y a acumula 8 match points y 16 board points. Cu e score aki Aruba a termina na puesto 146, subiendo 9 luga riba e ranking di FIDE. Aruba a iguala su high score di 8 match points cu e resultadonan di 2012, durante e Olimpiada di Ajedrez na Istanbul, Turkia. Un logro tremendo di e Open Team ta cu e hoben Jomar Benschop ta obtene su titulo di FIDE Candidate Master!
Sore individual: 1. Quintin van de Seijp 4.5 punto di 10 wega, 2. CM Octavio Croes 2.5 punto di 9 wega, 3. CM Jose Pesqueira 3 punto di 9 wega, 4. Jomar Benschop 4 punto di 8 wega y 5. Enrique Jacopucci 2 punto di 8 wega.
Best score: Jomar Benschop (50%). Mirando cu di su ultimo 6 partidonan Quintin van de Seijp a score 3.5 punto, Federacion di Ajedrez lo follow up cu FIDE pa claim titulo di Candidate Master p’e tambe.
Women’s Section
Den e Women’s Section a participa 137 pais, di 140 pais afilia na FIDE, y China a gana e medaya di oro, mientras cu e medaya di plata a wordo gana pa Polonia y e medaya di brons a bay pa Ukraina.
Aruba a logra di gana 3 match, contra di Malta, Kuwait y Lesotho, y a empata cu Guyana y Nepal. Cu e score aki, Aruba a termina na di 116 lugar, mientras cu e starting rank tabata 105. E Women’s Team di Aruba a score 8 match points y 14 board points, igualando su high score di 8 match points logra durante e Olimpiada Mundial di Ajedrez di 2014 na Tromso, Noruega.
WCM Annelaine Jacobs lamentablemente a perde su ultimo partido y cu esaki a mira su oportunidad pa bira e prome Women Fide Master di Aruba bai perdi (e tabatin 5 punto di 8 wega drentando ultimo buelta y cu 6 di 9 lo a haya su titulo di WFM). Next time better luck!
Score individual: 1. Stacey Caton 0.5 punto di 8 wega, 2.WFM Maria Diaz 5 punto di 10 wega, 3. WCM Zaily Arbona 2.5 punto di 10 wega, 4.WCM Annelaine Jacobs 5 punto di 9 wega y 5. Monica Bremo 1 punto di 7 wega.
Best score: WCM Annelaine Jacobs (56%).
FIDE TRG SEMINAR
Captain Maurits Dijkhoff di Aruba Open Team, y CM Raymundo Dijkhoff, captain di Aruba Women’s Team, a participa na e FIDE Trainer Seminar, cual a dura 15 ora en total, cu oradornan mundialmente conoci manera entre otro GM Dejan Bojkov (Bulgaria), GM Efstratios Grivas (Grecia), GM Mikhail Gurevich (Soviet Union ), GM Adrian Mikhalchishin (Ukraina) y GM Georg Mohr (Slovenia). Na final di e seminario tur participate a traha un examen y Maurits y Raymundo a score asina bon cu nan a logra e puntuacion pa e titulo di Fide Instructor (FI), e di tres (di cinco) nivel di entrenador di FIDE. E titulonan a caba di ser aproba durante Asamblea General di FIDE teni 20 September 2016. Cu esaki nan ta e prome Arubianonan licencia oficialmente pa FIDE como entrenador! E desaroyo aki di licencia entrenadornan mundialmente ta parti pa ajedrez proximamente fungi como un deporte di exhibicion na Weganan Olimpico di IOC (momentaneamente ajedrez ta miembro di Comitenan Olimpico Nacional na 107 pais caba).
Directiva di Federacion di Ajedrez di Aruba kier a gradici e sponsornan cu a contribui pa a haci e participacion di Aruba posibel: ATA, La Moderna, Super Shopping, EMCO, Click Print, I Love Aruba, Mukesh Sajnani, Total Services, Safe.Com y CMB.
Alaves directiva di Federacion di Ajedrez di Aruba kier a felicita e delegacion di Aruba cu a representa Aruba dignamente, especialmente na Jomar Benschop, Maurits Dijkhoff y Raymundo Dijkhoff.
Un danki grandi ta bay pa WCM Maria Paula de Mey y NM Mark Bueno pa ricibi e delegacion di Aruba na Hulanda, durante transito, na caminda pa Aruba. Tambe na un y tur cu a bin Aeropuerto Internacional Reina Beatrix pa ricibi e 5 miembronan di e delegacion cu a yega Aruba prome. E otro 8 miembronan a keda na Hulanda pa bishita famia- y amigonan y lo yega den e dianan venidero.
Pabien Aruba!