Delegacion di artistic swimming di Aruba lo competi na Texas

0
RBC Juli 2018
Funmiles-2018

Diahuebs awor un delegacion den e deporte di artistic swimming lo sali pa Lewisville, Texas, unda nan lo competi den e US Nationals den e edadnan di 13-15 aña y Juniors cu ta di 15-18 aña. E seleccion ta consisti di e atletanan Avigayle Tromp y Sarah Silva cu ta dos atleta den e edad di 13-15 mientras cu ambos ta landa figures y solo y duet hunto. Pa loke ta e categoria juniors esaki lo consisti di Abigail de Veer, Anastasia Van Daal, Meghan Tromp, Kainah Croes, Zurienne Dabian y Sarah Silva cu por landa den Team, Free y Tecnical.

Ta bon pa bisa aserca cu tin cambio den artisitic swimming unda cu desde 2018 e categoria di juniors no ta e disciplina di figures mas pero solamente e rutina free y tecnico, manera ta e caso di e seniorsnan. Lo bay tin tambe den e edad aki un Duet free y Tech consisti di tambe di Abigail den Veer y Anastasia van Daal. E deporte di artistic swimming a conoce un tremendo luna tras di lomba unda den U12 nan ta logra gana varios medaya den e Carifta Swimming Championship na Jamaica. Tambe nos seleccion senior ta logra clasifica pa e Weganan Centro Americano y del Caribe y e duet di Abigail y Anastacia ta logra un lugar riba e podium conkistando un medaya di plata.

Stichting Sportsubsidie Aruba ta subsidia e seleccion di artistic swimming cu lo competi na Lewsville,Texas.

Cumprando weganan di Lotto, e Loteria di Aruba manera Catochi, 1-Off, Big 4, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e diferente weganan di Raspa Y Gana bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.

Comments

comments

C: Heineken
new india