E deining ocasiona door di sistema tropical Isaac cu tabata bayendo directamente riba Barbados, pa despues kita drenta Caribe, banda di St. Maarten y par di dia despues cu e efectonan ariba nos beachnan. Sr. Rino Hermans di Rampen Bureau ta splica.
Si no ta paso cu e sistema a drenta hopi oost den Caribe, no kiermen cu Aruba no por haya e efecto. E biaha aki e olanan tabata mas halto cu normal, a pesar di cu ISaac a drenta Caribe como categoria 1. Si e poblacion a keda hopi mas consciente, ya cu antes e tabata un taboe, si un luga ta victima di un sistema. E baiha aki si Rampenbureau a haya basta yamada, incluyendo Aruba Beach Club, unda ola a coba bou di e fundeshi. Aki ta unda cu Brandweer y DOW a cera un parti di e edificio, conhuntamente cu Rampebureau pa conseha y monitoria. Asina a logra contene cu Aruba Beach Club no a bira victima di un situacion catastrofico pa un deining di un horcan cu a drenta te banda di St. maarten.
Mester keda monitor e sistemanan, ya cu no ta paso cu Aruba no ta haya un ‘direct hit’, esey no kiermen cu nos no por haya e efecto di un sistema. Aruba Beach Club lo mester haci algo cu e luga aki, pasobra cu na momento di un horcan di berdad, esaki no ta bay ta santo so, pasobra cu e ta bay tin su consecuencianan cun’e. Aki ta unda cu DOW a probecha di e oportunidad, ya cu Aruba Beach Club tabata traha den sistema di construccion bieu y aworaki cu e situacion a presenta, DOW a duna Aruba Beach Club consehonan tecnico, unda cu DOW a laga e luga liber, cu tur cos na ordo, unda cu nan a fortifica e fundeshi. Esey kiermen cu den un futuro, e olanan lo no por yega te eynan mas, pa coba e fundeshi di Aruba Beach Club. Te asina leu, Sr. Rino Hermans, di Rampenbureau.