Whitney Ribeiro BA (21) recientemente a gradua como Bachelor den Geologia y Biologia na Brown University na Providence, Rhode Island na Merca y ta bai sigui specialisa mesora den paleontologia na Paleontological Research Institution.
Esaki ta e studio di historia di bida na mundo basa riba informacion cu ta haya den fossiel cu ta restonan di mata, animal, beskem (fungus), bacteria y bida di un celula, cualnan a keda reemplasa pa pieda of impresion of organismonan preserva den baranca.
Brown University ta un universidad priva di investigacion di Ivy League. E ta e di shete institucion di mas bieu di educacion halto na Merca, funda na 1764 como College in the English Colony na Rhode Island y Plantacionnan di Providence.
Paleontological Research Institution ta persigui y ta integra educacion investigacion y ta interpreta historia y sistemanan di tera y bida di tera, pa aumenta conocemento, educa sociedad y curasha bon administracion di Mundo.
Whitney a gradua na mei 2020 na International School of Curaçao y a ricibi e mesun aña ey e Mercedes Winkel Service Award pa trabou boluntario den comunidad di Corsou.
Durante di su estudio na Brown University su resultadonan tabata asina bon cu ya caba e por a cuminsa traha como assistent di director di e Insituto di Investigacion Paleontologico na Ithaca, New York.
Esaki di mes ta dunando e mas oportunidad pa sigui specialisa riba e nivel cientifico aki.
Riba e potret por mira Whitney Ribeiro dia cu el a gradua e.o. hunto cu su mayornan, welanan y ruman.