Mirando cu hopi rotonde den diferente bario a worde masha bunita decora caba door di diferente instancia dunando asina e temporada di fin di aña aki un esfera fabuloso, N.V. ELMAR a considera e peticion aki y dicidi di contribui pa haci esaki posibel.
Den un siman di tempo e comision cu hopi entusiasmo y dedicacion a traha dia y anochi pa logra cu diasabra ultimo director di N.V. ELMAR, Robert Henriquez a cende e luznan aki oficialmente mey mey di e comision y bisiñanan di e bario cu a presenta cu hopi alegria dunando nan sosten na e proyecto bunita aki den pueblo di San Nicolas.
Gaita di Mama Rosa tambe tabata presente pa trece e ambiente musical.
N.V. ELMAR Ta invita un y tur pa pasa admira e rotonde “adopta” pa ELMAR yama “Rotonde Palo marga”.
Un danki special ta bay na e “Comision Weg Sero Blanco” cu boluntariamente a tuma e iniciativa pa trece un alegria extra den e bario di Weg Sero Blanco/Weg Fontein y tambe na trahadornan di Elmar cu a haci esfuerzo grandi pa den un tempo corto logra e conexion di coriente pa ilumina e rotonde aki.