Democratanan a revela loke por ta un “evidencia pisa” cu por duna e investigacion di huicio politico contra presidente di Merca, Donald Trump un buelta hopi interesante. Den otro dia di presidencia cu ta marcando un di e paisahenan mas turbulento den historia politico di Merca, e situacion dificil di Trump y di su defensornan republicano a bira mas “scur” y “dificil”. Un principal diplomativo Mericano na Ucrania a bisa e investigadonan di e Camara di Representantenan cu nan a bise di entrega di ayudo militar na Kiev lo depende di un promesa di investiga e eleccionnan di 2106 y e candidato presidencial democrata di 2020 Joe Biden, kende segun un encuesta nobo realiza pa CNN, tin ventaha riba Trump di 10 punto. E declaracion di Bill Taylor algun dia pasa ta parce di ta refuta directamente e declaracion di presidente cu no tabatin involvimento di e ex-estado Sovietico den e trato. E declaracion di Taylor ta reforza e informacion di denuncia di irregularidadnan y un copia por esctiro di un yamada di dia 25 di Juli di Trump cu e presidente di Ucrania cu a mustra di a pidi un “fabor” a cambio di ayudo tan necesario mientras cu Ucrania ta bringa contra Rusia. Esaki ta haci mas dificil pa e partido Republicano defende su presidente riba e hecho den e caso aki, ya cu esakinan a surgi di dianan di testimonio den e marco di investigacion di e huicio politico. E Democratanan ta argumenta cu e testimonio di Taylor tabata e revelacion mas impactante te na e momentonan aki di e investigacion di huicio politico den un luna, loke ta bai haci e situacion mas complica. “E testimonio aki ta un cambio radical. Mi ta kere si cu e por acelera e cosnan”, asina Stephen Lynch, representante democratico di Massachusetts, a declara. E representante democrata, Gregory Meeks di New York a bisa cu tin evidencia claro riba e situacion di Trump riba Ucrania.