Despues cu diabierna mainta a keda informa cu e eleccion na isla ruman Corsow lo ser cancela prome minister mike eman ta duna su opinion riba esaki.
Diabierna mainta tabata tin un Rijksministerraad, cu tabata un reunion cu a wordo yama, pasobra cu siman pasa caba tabata tin uno, pero door di diferencia di opinion entre Hulanda y Corsou, a pone un Rijksministerraad a pone algun punto cu ta regarda eleccion na Corsou. Prome Minister Mike Eman ta amplia mas ariba esaki.
Minister Plenipotenciario Juan David Yrasquin tambe tabata presente na e reunion, y cu e puntonan treci dilanti lo wordo manda pa Conseho di Raad van State, pa loke ta trata anulacion di eleccion di Corsou. Hulanda su opinion ta cla, cu e eleccion mester continua.
Importante den e proceso aki ta cu tin un conseho di Raad van State cu mester bin ainda y posicion di Aruba tabata cu ta importante pa tin tur e decisionnan cu Rijksministerraad tuma, sigur ora ta regarda derecho di e paisnan autonomo, pero nan mes momento ta importante pa ora cu formula un pensamento y un opinion riba un tema di un otro pais, pa e proceso cana segun e reglanan di statuut. Gobierno di Aruba ta contento cu el a bay Raad van State y ora cu advies e bin bek, Gobierno di Aruba lo duna su opinion, considerando e pensamento cu Raad van State lo presenta.