Sra Ronella Tjin Asjoes Croes CEO di ATA a informa cu e mercado di Sur America, Centro America, Mexico, Republica Dominicana y Haiti ta habri entrante 1 di December 2020. Ta viga un fecha conforme cu nos ta delinea cu un maneho prudente pa e region y paisnan aki. Tin cu tuma nota cu e frontera entre Aruba y Venezuela ta keda cera. Reapertura na December di e paisnan aki y riba parti di Sur, Centro America y Mexico lo por conduci na total di 2000 pa 2500 bishitante pa December.
Pa loke ta 2021 por spera 2300 pa 2800 abase mensual conforme proyeccionnan. ATA ta traha riba diferente cenario mara na cada pais di unda ta atrae bishitantenan. Nos ta papiando di turistanan pero e regionnan aki tabata warda basta y pa tanto nos localnan, hopi ta consciente riba e reapertura di Colombia y Republica Dominicana. E maneho di test y rekesitonan ta keda vigente, e rekesitonan di test pa esnan cu ta biaha for di e regionnan cu lo habri pa December esei ta nifica pa e turista tin opcion di haci su test dentro di tres dia na su pais y asina entrega Aruba e resultado negativo prome cu e yega nos isla of e ta dicidi di haci e test aki na Aruba y bay den cuarentena y ricibi su resultado den 6 pa 8 ora locual den practica ta e caso. Pa localnan ora di regresa bek Aruba e tin cu haci su test na e puerto cu e ta y warda e resultado. Mester remarca cu cada un di e paisnan tambe tin nan rekesitonan, tene cuenta manera Colombia cu nan tin e test similar na esun di Aruba.