Diamars atardi departamento di Cuerpo di Bombero y di DOW encarga cu parti explosivo a presenta na Wan Li supermarket na Madiki pa control di e container di benta di klapchi. E oficialnan a constata cu e chines ta kibrando e reglanan cu autoridad a pone riba mesa pa loke ta seguridad di otro. Un container carga cu klapchi a keda poni den cura di bisiña y esaki no ta permiti debi cu ta pega cu algun apartament unda chinesnan ta drumi a pone cu bida di tur hende ta na peliger y a duna mas peso pa autoridad kita e permiso te ora cu busca un mihor solucion.
Diaranson mainta e Chines a core bay na Minister pa asina Minister duna ordo na autoridad pa lage habri na su localidad pabou di e rotonde na Santa Helenastraat y Lucianitastraat, pero e seguridad con tin un otro container di klapchi di deposito pega cu apartamentnan di palo den cura ta e peliger.
7 pa 8 Luna pasa tur persona cu ta bende klapchi a sinta na mesa cu tur e departamentonan di Gobierno y a trece tur e reglanan na mesa cu si kier bende klapchi tin cu mantene na e ordo, y awor Chino kier bay na Gobierno pa Gobierno firma su permiso kibrando regla di autoridad cu ta haci su trabou. Si Gobierno tin cu firma esaki kibrando regla, e ora ey tur hende por comete ilegalidad na Aruba, bay na bestuurskantoor bay yora na Minister y bo ta haya bo permiso firma.