E barco cu ta bin for di Miami cu cargacion di berdura y otro mercancianan e.o cuminda a haye confronta cu no por a drenta waf na Barcadera. E dianan aki tur luga ta sin berdura y algun otro cumindanan.
Ta conoci cu desde e waf a muda pa Barcadera e espacio ta limita. Loke ta e tereno mes pa containernan ta chikito compara cu waf na Playa unda tin espacio pa pone container, na barcadera siman pasa mes e tereno tabata carga cu container bashi y mester a pone barconan bay cu nan pa asina haya espacio.
E barco di carga Menbourne strait a yega awanan teritorial laat a pone cu un otro barco a pasa su dilanti pa descarga y pone cu e no por a drenta waf di Aruba. E barco a bay curacao haci algun descarga y regresa bek pero ainda no tabata tin luga pe y mester a keda ancra afo cu tur e containernan di berdura, mercancianan y cuminda.
Informe cu nos redaccion a haya ta cu e barco lo por mara diasabra marduga y diasabra mainta lo tin trabounan pa descarga tur e containernan unda waf lo ta habri specialmente riba diasabra pa e trabounan aki tuma luga lo mas pronto posibel.