Debe nacional di Merca ta alcansa un cifra record di 22 biyon dollar

WASHINGTON, D.C., Merca- E Departamento di Tesoro di Merca pa medio di un comunicado diamars a informa cu a debe nacional di e pais a yega na un cifra record di 22,01 biyon dollar. Anteriormente e cifra tabata rond di 20,49 biyon dollar, pa cual den un aña Mericanonan a aumenta nan debe cu mas di 1,5 biyon dollar.
Den e contexto aki, Michael Peterson, hefe di The Peter G. Peterson Foundation, cual ta wordo cita pa AP, ta afirma cu “e creciente debe naciona di Merca ta importante, ya cu e ta menasa e futuro economico di cada Mericano”. Segun Peterson, e interes ariba e debe ya existente ta representa mas di un biyon dollar diario y e cifra lo sigui aumenta, “dificultando ainda mas e inversionnan importante pa nos futuro”.
E Oficina di Presupuesto di Congreso ta calcula cu e debe nacional ta representa 78% di GDP, cual ta e cifra mas halto desde 1950. Si e situacion na cambia, e debe lo por yega 96% di e GDP pa 2028.

E debe di Merca a cuminsa aumenta, despues di e crisis financiero di 2008, pero despues di e yegada di Trump na poder, esaki a conoce un reduccion leve. Na januari 2017, e debe nacional tabata ser calcula na 19,899 biyon dollar. Sin embargo, debi na e reforma fiscal di e aña en cuestion, e debe a cuminsa crece un biaha mas y pa final di 2018 e tabata ser calcula na 21,974 biyon dollar.

Di su banda, presidente di e Conseho di Asesoria Economico di White House, Kevin Hassett, a bisa cu Trump ta “absolutamente” preocupa pa e crecemento di e debe nacional. E presidente a exigi pa tur e ministernan recorta den nan presupuesto den un 5% den e proximo ciclo presupuestario.

“Nos por tin diferencia ariba hopi cos, pero nos por ta di acuerdo cu kisas esaki ta e momento di tuma e deficit na serio”, Hassett a bisa.

Comments

comments