E debate cu ta bay tuma lugar organisa pa Camara di Comercio Sra. Sra. Sonja Velthuizen, directora di Camara di Comercio ta splica mas di e proceso aki.
E set up di e debate a wordo cambia. E idea ta pa laga dos partido subi riba stage, dunanan un pregunta y nan por contesta esey. Despues e otro partidonan ta cambia, despues un rato, dos otro partido ta subi stage y nan ta haya otro pregunta.
Camara kier logra pa via facebook pa contesta e otro partidonan e mesun pregunta y laganan haci esaki via Facebook. E ora despues di e prome debate, tur hende por lesa e contesta di e otro partidonan.
Ainda Camara di Comercio mester papia cu Tele Aruba, pero segun nan ta mas dinamico pa laga dos partido subi e stage y dunanan un contesta so. E luga lo ta Marriott Hotel y e moderador lo ta Sr. Ruben Trappenberg.
Sra. Velthuizen ta haci un invitacion na tur persona pa manda un email mas pronto posibel. LO bay tin un VIP section y uno normal. E VIP section ta consisti di un pakete cu ta encera bebida y snacks; nan lo sinta hopi cerca di e stage.
Pa mas informacion por manda un email na [email protected] of por yama libremente na 5821566.