E debate lo tin un set up special cu su reglanan pa participa. Sra. Sonja Velthuizen, directora di Camara di Comercio ta splica e reglanan cu lo bay tin pa e debate dia 8 di Juni.
Tur lider di e partidonan ta subi escenario y ta tira lot, di number 1 te cu 7. Nan ta bay haci esey tres biaha, pa tres ronda. E resultado ta bira cu p.e. Sr. Mike Eman ta bay contra Sra. Evelyne Wever- Croes. Of Sr. Booshi Wever lo bay contra di Sr. Holmo Henriquez di MAS. Esey ta importante, ya cu e debate mester ta mas fair posibel.
Despues di cu e lidernan a tuma un lot, ta bay cuminsa cu e preguntanan. Ta cuminsa cu un intro y e pregunta lo ta nan vision ariba e pregunta. Cada pregunta lo tin un intro. Dos lider ta subi stage pa e prome pregunta. Pa e di dos pregunta, dos otro lider ta subi stage. Y na final, tres otro lider ta subi stage pa e ultimo pregunta.
Manera ya a bisa, lo tin tres ronda y despues e pregunta- y contestanan di cada lider di cada partido politico. Lo tin pregunta y contesta, unda tur shete ta subi stage. E ora e pregunta di e televidentenan ta bay manda un pregunta via email y e publico den sala tambe por manda nan pregunta. Camara di Comercio lo haci evalua cada pregunta y lo pasa e preguntanan na e moderador, pa esaki haci e pregunta na e lidernan.
Despues tur e lidernan ta haya un comentario final, e posibilidad pa un comentario final, dus un declaracion. Esey lo ta fin di e debate.
Camara di Comercio lo tin un timer, y cada lider lo haya un minuut y mei pa contesta e preguntanan. Despues nan ta haya un minuut pa nan declaracion final, y pa contesta e preguntanana durante e sesion di pregunta y contesta, tur ta haya un minuut pa contesta e preguntanan di sala y pueblo di Aruba.
Ora cu e tempo caba, ta cera e microfoon. Pero prome cu esey, toch lo manda un señal pa asina e lidernan lo sa cu nan tempo lo ta yegando.
Ta den planes pa despues di e di dos debate, dia 17 di Augustus, Camara di Comercio lo kier haci un sondeo midi kico ta e pensamento di pueblo pa cu e partido politiconan cu lo bay participa den e eleccion 2017.Y kico e futuro di Aruba lo mester ta, segun Sra. Velthuizen.
Camara di Comercio ta un organisacion serio, y e importancia di e bienestar di e pueblo dio Aruba ta mas importante cu cualkier otro cos. Nan lo evalua e resultado di cada debate y nan lo papia cu gobierno, y e partidonan cu gana, Camara di Comercio lo hiba varios combersacion pa pusha Aruba p’adilanti. Esey ta mas importante aworaki.
Debate ta uno, programa di gobernacion ta otro pero goberna ta diferente. Con ta bay haci cu esakinan? Sra. Velthuizen a splica cu esey ta un challenge. Pero tur e preguntanan lo toca un topico importante pa Aruba. Pero pa Camara di Comercio ta mas importante pa splica e programa, e focus point di cada programa di cada partido politico y pa laga pueblo wak ki partido tin e miho programa segun nan opinion.
E actitud positivo ta loke Camara di Comercio kier comunica. No loke a pasa den pasado, con e gobernacion a bay. Tur hende tin nan opinion. Pa nan e futuro ta importante y esey ta loke pa Camara di Comercio ta algo positivo, segun Sra. Sonja Velthuizen, directora di Camara di Comercio.