Sr. Byron Werleman a splica mas di kiko ta e meta di e debate aki y ken tur lo participa na e debate aki dia 13 Juli na Cas di Cultura pa 7 di anochi.
E debate ta programa pa termina pa 11 or di anochi. Portananan lo habri desde 6 or di atardi. Partidonan cu lo participa ta partido ABO, representa pa su lider Sr. Elton Lioe- A- Tjam, AVP representa door di Sr. Mike Eman, CURPA representa door di Sra. Christina Lampe, PPA representa door di Sr. Benny Wever, partido MAS representa door di Sr. Holmo Henriquez, partido RED representa door di Sr. Ricardo Croes, partido Raiz, cual lider lo wordo anuncia despues, partido MEP representa door di Sra. Evelyn Wever- Croes, partido POR cu su lider Sr. Otmar Oduber y partido UPP, cu su lider Sr. Booshi Wever.
Entrada lo ta obtenibel pa Fls 10,- na Network Pays na Dakota, na Anasastraat 4, di dialuna pa diabierna, despues di 1 di Juli e lo bira 15 fl pa persona. Pa cumpra ticket mester tin un id valido.
Partidonan tambe por cumpra kaarchi y pa esaki ta maximo 10 tickets, segun Sr. Byron Werleman.