Proximamente lo tin e debate specialmente pa e comundiad Latino na Aruba. Sr. Win Donata, organisador di e debate aki ta splica.
Sr. Donata ta splica cu e parti cu nan ta trece dilanti ta pa e comunidad Latino conscientisa nan mes tin mas cu’n partido, mas cu’n vision, mas cu’n lider politico, mas cu’n partido politico na Aruba. Ta pa nan amplia nan mes na Aruba.
A haya hopi reaccion poco negativo, tocante si e debate aki, specialmente pa e comunidad Latino lo ta un tipo di segregacion, pero segun Sr. Donata, door cu pa 12 aña caba e ta manehando un radio Latino y a ripara cu nan vision ta un poco limita pa loke ta politica y varios cos na Aruba, aunke e por mustra un tiki mas dificil pa nan integra den e comunidad local. Pero e debate aki nan por amplia nan bista y door cu nan ta hendenan curioso. Sr. Donata a busca hopi informacion prome cu el a yega na e idea. E idea no a bin p’e so, pero pa un fundacion tambe, cual por cierto Sr. Donata lo ta apoyando, den sentido cu tur ticket cu wordo bendi ta bay pa fundacion Juan Pablo Duarte.
Durante e ultimo añanan Sr. Donata a traha di cerca cu e fundacion y casi tur luna e Latinonan tin cu yudanan, pa nan eventonan, pa nan por haya fondo. Na e momento ey a ripara cu e fundacion mester un base, pa nan por cana mas trankil pa nan haci nan actividadnan. Na e momento ey, Sr. Donata a dicidi cu e lo yuda e fundacion, e lo carga e evento. El a haya hopi yamada, cu nan kier a join, paso cu eynan tin placa. Pero di berdad, tur gasto a cay pa Latina FM. Sr. Donata a splica, cu si ta 10 mil florin nan recauda, tur esaki ta bay pa Fundacion Juan Pablo Duarte.
E debate aki lo ta na Spaño, aunke Papiamento ta hopi importante. Pa por trece e comunidad cerca bo mester tene tur cos den balans. Laganan bin, ora nan bin nan lo wak enberdad kico Aruba ta ofrece den e parti di politica. Hopi di e Latinonan ta esunnan cu ta sufri ora cu nan wordo kita for di trabao. Di tur nacionalidad na Aruba, esun cu menos ta reclama ta e comunidad Chines.
Sr. Donata a splice cu su vision no ta pa keda na e debate so, debi cu tin hopi otro mas cos mas pa informa e comunidad Latino. Na radio Latina FM, nan a cuminsa cu programa na Papiamento. Pero e comunidad Latino no ta asina. Sr. Donata a splica cu Directiva di Cultura lo bin cu mas evento pa e comunidad Latino pa conscientisa nan ariba nos cultura y nos idioma Papiamento.
Sr. Donata ta di opinion cu Cas di Cultura lo keda chikito pa cu e evento aki. Tur partido a haya 50 ticket so pa nan simpatisantenan, cual mas sigur no ta bay yuda. Por bisa cu practicamente e sala ta full bendi. No a bende 575 stoel completo, pero a laga luga pa radio emisoranan y miembronan di prensa. A drenta peticion pa television tambe transmiti esaki. Pero segun Sr. Donata, su organisacion ta poco, dus esun cu kier take over e parti ey, e no tin problema cu esey. Importante ta pa e mensahe yega. E comunidad Latino ta consisti di mas o menos 40 mil persona, di cual mas o menos 9 mil persona tin derecho di voto.
Debi cu e comite organisador ta hopi chikito, a pidi e Fundacion pa sikiera yuda nan parti e cartanan, y a bay laga e carta na cas di partido. Pero no a tende niun reaccion di parti di nan banda. Y e comite organisador tin prueba cu e carta a wordo ricibi.
Sr. Donata a bin compronde cu Fundacion Mike Eman ta full apart di AVP. Dus e carta mester ta na Bestuurskantoor. Pero esey a keda regla y partido AVP a confirma cu nan lo ta presente. Lo bay tin hopi pregunta, y e preguntanan ta dirigi ariba e lidernan y no na minister, parlamentario of candidato nobo ariba lista, cu kisas lo no por contesta e preguntanan.
Topiconan ta bay ta strictamente pa e lidernan, cual ta na encargo di e Wilmer Ariztisabal cu ta bay ta e moderador. E preguntanan ta bay wordo duna un dia prome na e lidernan, pa nan ta na altura di nan. Casi sigur lo bay tin preguntanan relaciona cu DIMAS, leynan laboral, cual ta interesnan primordial di un persona Latino.
Hopi biaha na Latina FM nan ta papia solamente di e topiconan ey, pero nan no sa mas kico tin den e otro topiconan. Pesey ta enfoca ariba general. Y no ta bay papia di DIMAS. E ta bay ta general, segun Sr. Sherwin Donata.