Tur cos ta cla pa dia 8 di Juni, caminda e prome debate politico organisa pa KVK ta cla pa bay tuma lugar pa cual aki Sr. Ernst Mohamed ta splica.
E debate aki ta pa duna pueblo informacion riba e diferente partidonan cu ta bay eleccion, pa asina nan por haya un bista pa ken y na unda nan lo deposita nan voto dia 22 di September.
Sr. Mohammed a splica cu nan ta organisa esaki den un esfera positivo y cu tur e lidernan lo haya un chance di duna nan informacion na e pueblo di e diferente topico cu KvK trece dilanti.
Tambe Sr. Mohammed a informa cu partido ABO lo no forma parti di e debate ya cu nan a purba na varios biaha pa drenta den contacto cun’e pero sin resultado. E partidonan cu lo participa na debate lo ta AVP, MEP, POR, UPP, MAS, PPA y RED.
E partidonan ya menciona si lo participa ya cu nan a haya confirmacion for di e lidernan y lo bay debate cu nan. Mester reitera cu partido ABO ta un di e partidonan cu a grita hopi pa un debate y e motibo pa cual nan no ta participa mas, no ta conoci cerca Kamer van Koophandel. Por ultimo Sr. Mohammed a bisa cu e programa tin cu sigui, pa cual motibo nan no por sigui warda mas ariba partido ABO.