E biaha aki e conocido landador esta Deaxo Croes, lo bai pa otro hazaña. E idea a bin 1 aña despues cu E y cinco otro landador a landra for di Venezuela pa Aruba. Pero e biaha aki Deaxo kier a hacie di Boneiro pa Curaçao, un total di 53km.
Meta di esaki ta pa concientiza e pueblo di e 3 isla nan ariba e tema di cancer, y alavez bira e prome persona cu lo landra entre e dos isla nan menciona. Mester corda cu actualmente cancer ta e di 2 causa di morto na mundo. Y ta pesey mes Deaxo a bin cu e idea aki di bay haci un otro evento y alavez recauda fondo pa 3 Fundation cu ta traha duro ariba e parti di prevencion. Nan ta Fundacion CORESA, na Aruba, Fundashon Prevenshon and Kanker Fonds Bonaire, di Boneiro y Fundashon Presenshon, di Curaçao.Mester bisa cu Deaxo a bai bon compaña pa un team di profesional nan den diferente ramo cu lo bai yude.
Nan ta consisti di kayaker nan, assist swimmers, docter, sport dietitians,physician y algun persona mas cu sa bon kico nan ta haci. Por compronde cu ya caba Deaxo ta na Boneiro, preparando pa diasabra 19 di November, pa e gran dia. Tur cos ta mustra cu lo no bai tin mucho contra tiempo. Mester bisa cu Deaxo tabata den bon preparacion. Dus e tin tur e confiansa cu e ta bay logra su meta. Di parti MasNoticia.com nos kier a desea Deaxo tur clase di exito cu su hazaña. Pueblo di e tres isla nan ta keda cordialmente invita pa sigui e pagina di Crossing For Prevention pa mas informacion y con lo por haci track Deaxo y alavez haci nan donation pa un di e Fundation nan.
Skirbi pa nos colega di deporte: Alrric Kock